我家孩子玩平衡車之家長心聲2

家長們與小朋友之間必定有許多開心回憶，今次透過「共享快樂時光相片/影片大召集」活動，很高興看到家長們的分享，我們將會把收到的作品剪輯成數個作品集，配合爸爸媽媽的心聲，與其他家長分享，希望你們能與小朋友繼續創造更多的快樂時光！

 

 

 

「幫仔仔報左名第一次參加平衡車比賽，－心想比佢參加下，玩下，比賽完了仔仔勝出吾到，梗係好吾開心啦（因為無獎牌），經過我安慰同埋解釋比佢聽之後，佢心情平復了！其實佢玩左成日已經好攰，食飽飯之後仲同我講：媽咪我想再玩多陣，終於我同佢玩多15分鐘，最後—轉仲同我講話要玩執車，玩完依次就返屋企仲涼瞓覺，下次比賽攞第—好無？—個３歲幾既人仔，睇佢既表情，同個份執著，知道佢係想再練習下......（走既時候見佢對腳都軟軟哋）你係媽咪既心目中已經係第—，勝出了！欣賞你的堅持，努力學習，努力加油吖！媽咪永遠支持你 」–家長 Ho Ka Man Janet

 

「細佬越踩越快，就快可以學兩個轆」–家長 Stanley Chung

 

 

 

「Shelby最初好抗拒學踩單車，因為怕跌倒會痛，之後我鼓勵您嘗試踩平衡車，每星期同您努力咁練習，雖然跌低過好多次，不過睇住您一次比一次咁進步，後來我覺得您可以試下踩單車，第一次幫您係平衡車上加上腳踏，你又再一次抗拒，仲喊住話只係想玩平衡車，唔想踏單車，之後我又再鼓勵您嘗試下，您第一次踏上腳踏一踩就學識啦，之後您停低左架單車，即刻勁喊，真係嚇左我一跳，原來係喜極而泣，因為自己好努力咁不斷練習，終於成功左。玩平衡車幫您學好平衡既技巧，所以您好快就學識踩單車，宜家踩單車已經成為您最喜愛既運動。我亦希望您日後遇到困難，都勇於面對，遇到新挑戰，都勇於嘗試，唔好怕跌倒，不斷努力同堅持，您總會成功的！」– 家長Sharon Yu

 

「Sheldon只係剛剛兩歲，您就成日玩家姐架平衡車，家姐架平衡車座位太高啦，唔啱您坐，您就話想要架自己既平衡車，我係度諗，兩歲就開始玩平衡車，會唔會太早呢？算啦！就買俾您試下玩啦！無諗過您會咁鍾意玩，屋企大門到主人房有一條長走廊，您每日來來回回係咁踩，跌倒都無話痛，又繼續玩，仲成日要同家姐比賽，落後左就唔開心，其實您已經踩得好快㗎啦！後來教您踩單車，第一次踏上腳踏一踩就學識啦，當時您只係兩歲半，真係好叻仔呀！我希望您日後繼續唔怕跌倒，將您既好勝心轉化為動力，不斷努力同堅持，唔好成日同人比較，輸贏唔緊要，最緊要係享受當中既過程。」– 家長Henry Chan