親子單車地圖16 之天秀路公園

 

想同小朋友踏單車玩平衡車又唔知去邊玩好？ 全港親子單車好去處系列為各位家長嚴選全香港所有合適一家大細一齊踏單車玩平衡車嘅好地方。

 

住新界嘅朋友仔要留意﹗今日我地走出市區，到訪天水圍！單車徑就係天秀路附近！鄰近天秀墟同香港濕地公園，都好方便大家去行吓。旁邊就係天秀路公園，公園佔地3.98公頃，呢個公園亦公園入面嘅設施都包羅萬有。

單車徑難度低

單車通道喺天秀路公園嘅外圍，連接天水圍其餘嘅公園。單車徑難度相當低，以直路為主，而且人流唔多，所以非常適合新手黎踩架，勝在夠安全！亦都可以係到學踩單車架！

 

多元設施

呢個天秀路公園仲有其他多元設施，包括：七人足球場、籃球場、排球場、兒童遊樂場、洗手間、緩跑徑、健身站及長者健身站、卵石路步行徑、活動廣場、兒童藝術廊同埋涼亭。踩完單車都可以入去公園玩其他設施，岩晒鍾意運動嘅你！

鄰近天秀墟

呢到仲有個特點就係天秀路公園鄰近天秀墟，天秀墟係一個小市集，由東華三院以非牟利形式營運及辦理，設置1860個檔位，提供乾貨、濕貨、精品及各種服務。天秀墟開放時間為上午8點至晚上8點。

 

香港濕地公園

香港濕地公園係一個集自然護理、教育及旅遊用途於一身嘅景點，香港濕地公園擁有佔地1萬平方米嘅室內訪客中心同60公頃嘅濕地保護區。濕地保護區包括人造濕地同埋為水鳥而重建嘅生境，大家可以親身體驗濕地生趣。其他設施亦包括溪畔漫遊徑、演替之路、紅樹林浮橋同埋三間觀鳥屋。除咗比大家黎輕鬆一吓之外，同時可以比小朋友接觸同學習更多有關大自然生態嘅知！

 

租單車

至於租單車方面，大家可以係天秀墟入面嘅一間單車鋪租單車。又或者自己帶單車。

 

公園開放時間為24小時。

 

交通

輕鐵：天秀輕鐵站，然後步行約2分鐘；

巴士：264M、265M、265S、269D、276B、869、967、967X；

專線小巴：77A、79S