親子單車地圖19 之屯門湖山遊樂場

 

想同小朋友踏單車玩平衡車又唔知去邊玩好？ 全港親子單車好去處系列為各位家長嚴選全香港所有合適一家大細一齊踏單車玩平衡車嘅好地方。

屯門湖山公園位於新屯門中心旁，係輕鐵兆禧站旁邊，湖山公園亦都鄰近屯門蝴蝶灣體育館。湖山公園環境寧靜，設施都應有盡有。

單車徑難度低

公園入面同外圍都有單車徑，入面嘅單車徑嘅路面都比較寬，單車徑平坦，非常安全，適合新手以及初學者。小編係閒日嘅時候去拍攝，人流唔多，環境清幽，都踩得幾舒適。另外，呢到亦都可以踩滑板車架。而且踩出公園外圍都可以一直踩去蝴蝶灣架。

交通安全城

公園入面亦都有交通安全城，同沙田交通安全公園相似，不過比沙田嘅小型。交通安全城模擬香港真實道路環境，入面周圍都設置咗路牌、雪糕筒、紅綠燈、迴旋處同埋安全島，而且車路都係仿照馬路設計，好迷你好得意架。玩嘅同時可以教導佢哋有關交通安全嘅知識，提醒小朋友注意安全！

 

單車補給站及單車亭

屯門湖山公園設有單車亭，大家可以係到租借單車。不過要留意，如果租借家庭車就只可以係園內踩，唔可以踩出園外架。

 

其他設施

其他設施仲有兒童遊樂場、籃球場、足球場、小食亭、飲水機、男女更衣室、洗手間。

 

公園開放時間為每日上午7時至晚上11時，免費入場。

 

交通

輕鐵：輕鐵車廠站步行若10分鐘