親子行山樂第一集 － 香港亞馬遜生態遊 大埔滘避暑勝地

香港亞馬遜生態遊 大埔滘避暑勝地

小朋友怕曬，家長又想帶佢地去戶外玩吓？行山都喺一個非常唔錯嘅選擇，既可以強身健體，又可以增進親子關喺。香港有唔少短程又舒服嘅行山徑，今次Jollymap介紹嘅大埔滘自然教育徑唔單止全程綠意盎然，枝繁葉茂，一路上仲有解說牌介紹林地生態，行一次就好似上左一堂地理堂咁。沿路仲會經過河澗，涼浸浸。唔講咁多，即刻出發。

 

 

大埔滘自然教育徑路線

喺大埔滘松仔園落車之後，向大埔方向行，留意左手邊，就會見到大埔滘自然護理區嘅指示牌。

沿斜坡行上去，留意左手邊就會見到大埔滘自然教育徑嘅入口啦。行上呢條樓梯好似已經身處喺亞馬遜森林咁，周圍嘅樹根深葉茂，朝氣蓬勃，可以盡情咁呼吸嘅新鮮空氣。

大埔滘自然護理區生態

埔滘自然護理區不設燒烤爐同營地，而且嚴禁生火，就喺為左保護呢到嘅動植物，所以呢到睇起上嚟都比較原生態。家長同小朋友嚟嘅時候都要教導小朋友要愛護自然環境，將自己帶嚟嘅垃圾帶走。

前半段路需要上落梯級，但唔算太難行，只要小心啲行就冇問題。

呢條喺一比較特別嘅自然教育徑，佢嘅生態介紹牌都頗為詳細，唔喺單單簡紹左唔同嘅動植物，而喺解釋植物嘅生長、樹林嘅結構等等…… 喺一本活生生嘅教科書。小朋友親身睇到呢啲林地生態，更加容易留低深刻嘅學習印象。

呢到唔同嘅解說牌，岩曬好奇心重，鐘意發問嘅小朋友，家長仲可以溫故知新。家長亦都可以同小朋友講解一吓，樹林入面嘅樹都要互相競爭陽光、空間、養分，所以要不斷生高啲，咁樣樹冠先可以吸收陽光，藉此鼓勵小朋友要努力向上。而且再高嘅樹都需要板根嘅支持，去吸收養分，同埋抵抗強風，做人都一樣，要打好基礎根柢，唔好自大，唔好忘本，先可以成就大業。

家長亦都可以同小朋友講解吓喺石隙之間生長嘅樹，鼓勵小朋友就算遇到困難，只要努力向上，隨著成長，佢地都可以好似樹咁樣，以粗壯嘅樹根令石頭裂開。簡介牌上面仲寫左啲觀察活動，家長同小朋友一齊跟住指引，用五官去感受一吓自然嘅美好。

去到第一個分岔口，我地沿自然教育徑方向落山。

小朋友嬉戲玩樂之旅

落去之後，向繼續向前行，就會見到個河澗，有唔少家長都鐘意夏天帶小朋友嚟呢到玩吓水，行完山路最岩喺呢到抖翻陣。

家長仲可以同小朋友對住呢個咁靚嘅景睇吓繪本，潺潺河水由旁邊流過，令人睇得更加入迷。

再向前行就喺觀鳥區，亦唔同嘅簡介牌，介紹唔同嘅鳥類，有唔少攝影愛好者都鐘意嚟呢到捕捉林鳥嘅倩影。

前面仲有啲遊樂設施，精力旺盛嘅小朋友又可以喺到玩翻陣，雖然只喺一個簡單嘅架，對小朋友嚟講都喺一個好有樂趣嘅活動嚟嫁。

喺離開之前，有需要嘅話可以去一去旁邊嘅洗手間。

最後沿大埔公路行翻出去，大概20分鐘就翻到起點嫁啦。

大埔滘自然教育徑交通

小巴：港鐵火炭站，C出口，出嚟右轉，搭往大埔方向嘅28K小巴，去到松仔園落車

巴士：72、72A、73A、74A、872，去到松仔園落車

停車場：大埔滘自然護理區入口亦都有小量嘅泊車位

 

其他資料

長度：2公里

時間：2-3小時