親子行山樂第七集－港爸．港媽．香港仔水塘郊遊樂

發布者：由 Jollymap 發佈 - 2020-12-07T00:00:00.000+08:00 - 全港親子行山悠遊樂

港爸．港媽．香港仔水塘郊遊樂

有時想同小朋友去睇水壩，但喺通常都喺一次睇得一個水壩，的確喺唔夠侯。今次Jollymap介紹一條位於港島嘅行山徑，啱曬住喺港島嘅家長。香港仔自然教育徑，唔單止有唔同嘅生態同植物介紹牌睇，沿途仲會經過兩個水壩。鐘意大自然，又鐘意睇水壩嘅小朋友就啱曬啦。

香港仔自然教育徑路線

香港仔自然教育徑就近漁光邨，成條教育徑圍繞住香港仔上水塘同香港仔下水塘行。沿香港仔水塘道嘅斜坡行大概10分鐘就到香港仔濾水廠。旁邊有指示牌，由中間嘅路行去香港仔下水塘，經過晨運園地，家長可以同小朋友行入去睇下附近嘅景色，或者探索一下周圍嘅動植物。

喺晨運園地前少少，右轉就喺香港仔下水塘嘅水壩。香港仔下水塘於1890已經建成，但原本喺私人水塘，之後為配合供水計劃就被政府接手改建。企喺水壩上面，一邊喺平靜嘅水塘，一邊喺水壩下面嘅小溪流，山明水秀，撫平都市生活嘅煩躁。小朋友喺都市生活好少會欣賞到呢啲秀麗嘅風景。面對眼前美景，我哋當然要好好愛護，家長亦都可以藉此教育小朋友要愛護大自然嘅觀念。

下水塘水壩盡頭就喺香港仔自然教育徑嘅入口，由呢到入去會經過兩個去郊遊地點嘅分岔口，我哋可以選擇沿右邊嘅路繼續行。

大概五分鐘，就會嚟到一個比較開揚嘅位置，可以喺到俯瞰香港仔嘅繁榮景象。家長可以同小朋友喺到從另一角度觀賞日常生活會接觸到嘅事物，例如平時經常搭嘅地鐵，喺呢到可以由高處觀摩鐵路嘅外型，引導小朋友從多角度思考。

繼續前行就會見到一條引水道，家長可以同小朋友一齊閱讀旁邊嘅簡介牌，了解引水道嘅用處，呢啲小知識都喺小朋友日常生活中比較少接觸到嘅野，多啲同小朋友行山可以幫助到佢哋擴闊眼界。

從大自然中學習

由引水道前面嘅樓梯上去就會見到一個分岔口，喺到左轉，沿上水塘方向行。呢到嘅路段平坦，但唔算寬闊，小朋友行嘅時候就要注意啦。行嘅時候會經過唔少生態同植物介紹牌，家長可以同小朋友駐足閱讀一下簡介牌上嘅內容，認識大自然嘅規律喺如何運作，又或者喺發掘下唔同嘅植物種類。唔單止可以學到唔同嘅小知識，仲可以從小培養愛護大自然嘅意識。