城門水塘玩水之旅 踏足白千層道

城門水塘遠足路線

今次介紹嘅城門水塘 – 畔塘徑，全長8.5公里，應該喺我哋今次行山系列最長嘅路徑，雖然話就話8.5公里，但成條徑都喺平路，某程度上喺直頭喺整嚟比車行，多過比人行，加上風景超靚，又有著名「呃LIKE」嘅白千層打卡點， 所以喺非常舒適，就連平時少做運動嘅小編，都輕鬆行哂全程，所以非常值得推介比大家！

 

 

 

喺出發之前，可以先到旁邊小食部食下野，或者買水、食物，準備一陣嘅旅程。小食部後面就有洗手間，不過路途中段都有洗手間，所以唔洗咁擔心，不過就無其他補給點，所以你就要帶多少少食物同水啦！

 

行上呢條樓梯就可以正式開始我哋今日城門水塘之旅！行城門水塘，第一件事就喺唔洗擔心會唔會盪失路嘅問題，我可以好肯定咁同你講，喺絕對唔會嘅！只要你記得呢個守則，「水塘永遠喺你右手邊」，去到分岔口就右轉，就包你唔會行錯路！

 

路程開始咗唔喺好耐，你已經可以見到水塘㗎啦！加上成條徑綠樹成蔭，周不時都有涼風吹過，行起嚟非常舒服！

 

如果有時間嘅，你仲可以去呢個賞蝶園，睇下蝴蝶！鐘意影相嘅朋友一定唔可以錯過！

 

拿，呢條就喺引水道，因為早幾日落過雨，所以水量都幾多㗎！

 

整條畔塘徑都設有唔少休息嘅地方，覺得累嘅就可以停低飲水或者食少少野繼續行程！

 

呢條路兩邊都種滿白千層，鐘意影相嘅你記得喺到影多幾張留念啊！又或者多返幾張「文青」風嘅呃LIKE相都唔錯㗎！

 

行完白千層徑，唔夠100米，你可以搵下呢條隱蔽石梯，因為只要行落呢條石梯，就喺去到一個「世外桃園」，相信呢到大家喺電視上面都見唔少！所以又喺相機出動嘅時候啦！另外，都有會唔少朋友選擇喺呢個位到野餐，不過記得，食完野嘅垃圾記得帶走呀！

 

城門水塘另一個有趣嘅方地喺就多馬騮！佢哋可能會隨時出現喺你側邊，可能喺旁邊嘅扶手，又有可能坐喺大路前面！不過佢地都幾溫純嘅，只要你唔拎啲食物出嚟就無問題！不過記得唔好餵佢地，一嚟危險，二嚟餵馬騮喺犯法㗎！

 

途中當然仲有唔少得啲花草介紹，等小朋友增進一下植物知識！

 

仲有河流小澗，有啲人仲喺到浸腳玩水添！不過玩還玩，安全最重要！

 

一路行，終於嚟到主壩啦！你睇下景色幾宏偉！

 

而呢個水塔都被政府列為一級歷史建築，連接住水塔既鐵橋都被二級歷史建築！

 

至於呢牌記念碑亦都喺法定古蹟之一！

 

離開水壩繼續向前行，就可以行返到起點㗎啦！不過要注意，呢條路比較多車經過，所以行嘅時候記得留喺路兩側！

 

城門水塘交通資訊

你可以乘搭港鐵到荃灣站B出口，穿過行人天橋，去到兆和街同眾安街交界，乘搭82號專線小巴，坐到總站就得㗎啦！

 

至於駕駛人士就可以直接去到水塘，燒烤場邊都有少量泊車位，不過假期嘅時候都應該幾爆，所以盡量都喺乘搭返公共交通工具！

 

其他資訊

長度：8公里

時間：5－6小時

 

請繼續留意我哋，我哋嚟緊仲會介紹更多親子行山嘅好去處！同埋記得，訂閱我哋嘅Youtube 頻道同LIKE我哋嘅Facebook啦！