大美督BBQ親子散步好去處

 

今次繼續為大家介紹適合一家大細行山嘅好去處 – 大美督家樂徑

相信大家對大美督都唔陌生，除咗可以喺呢到BBQ同踩單車之外（上年我地介紹過架，記得睇返！），呢到仲有一條適合一家大細嘅行山徑架，最岩就喺BBQ完過嚟散下步。

 

路線

 

大美督家樂徑起點

其實有好多人都唔知道，大美督原來有一條家樂徑，家樂徑嘅入口，其實就喺上水壩入口嘅旁邊！

大美督家樂徑其中一個特色就喺以12生肖為主題，由起點開始，你就會見到鼠嘅指示牌，而路標上面都顯示咗家樂徑嘅方向。只要順住12生肖既順序就可以行曬全程啦！

四大觀景台

成條大美督家樂徑雖然大概1公里長，但喺都有四個觀景台，而且輕鬆易行。上到去第一個觀景台，你就可以見到成個水壩！

上到山上，行嘅都喺平路多，所以行起上嚟都唔辛苦。行多一陣就會嚟到第二個觀景台，呢到有個涼亭，小朋友累嘅話可以喺到稍作休息，又或者睇下風景！

再行5分鐘去到第三個觀景台，可以喺呢到清楚睇到八仙嶺嘅八個山峰，而下面就喺客家村。每個觀景台都設有介紹牌，家長同小朋友可以喺介紹牌上嘅地圖搵下自己身處喺邊到。

呢條行山徑嘅四個觀景台相隔唔遠，可以從唔同角度睇下靚景，小朋友又可以一路行一路搵下自己嘅生肖，咁就唔洗怕悶啦。行到最後一個觀景台就會見到遠處嘅慈山寺觀音像。

落樓梯就會見到最後一個生肖指示牌，跟住行就會返到起點㗎啦！

大美督出面有好多食肆，行完山都可以喺到食翻餐勁嘅先走嫁。

交通

乘搭港鐵到大埔墟站，轉乘小巴20C 或巴士75K，到大美督總站落車

停車場：大美督路停車場

其他資訊

長度：1公里

時間：1小時