博客

發布者：由 Jollymap 發佈 - 2025年11月27日 - 2025年摺車推介

最近引起大量討論的 Aceoffix D10 終於到貨，車界關注度爆燈！ D10 最大嘅亮點，就係採用 18 吋輪組 + 2 吋 Gravel 車胎，既保留 G Line 那種多路況能力，亦因為車胎更寬，令抓地力、穩定性大幅提升。最重要係，全車重量比 G Line 輕得多! 今日我就會帶大家深入拆解 Aceoffix D10 到底有咩特點？同佢兄弟 C5 又有咩唔同？ C5 一直被視為性價比高、適合入門的選擇，而 D10 則進一步強化多地形能力，定位更加全面，會唔會成為新一代「全地形折疊車」之選？兩者究竟點揀先啱自己？

發布者：由 Jollymap 發佈 - 2025年11月15日 - 2025年摺車推介

繼 Java Neo 推出「Neo 三摺國布」引爆全城關注之後，大家都話 Neo 真係抵玩到爆。不過，講到 Java 抵買嘅選擇，其實又點止 Neo 一款呢？今日要同大家介紹嘅，就係另一部性價比超高嘅入門摺車 —— Java X2。售價只係 千幾蚊，定位親民，最啱一家大細週末輕鬆踩車、休閒郊遊、甚至作為第一部入門摺車。 但問題嚟啦：千幾蚊嘅摺車，Java 究竟俾到你啲乜？係唔係真係咁筍？耐唔耐用？啱唔啱新手？ 今次我就會帶大家一齊深入拆解 X2 ，講到底值唔值得買返部返屋企？

發布者：由 Jollymap 發佈 - 2025年10月28日 - 2025年摺車推介

要數近來摺車的大熱，Java Neo 9速摺車肯定是其中之一。除了其 三千多元的價格 在大部分車友的預算範圍內，這款車的設計細節和配置也令人驚喜。我第一次收到價單時還以為報錯了價格。 Java希望通過這款Neo，為其在摺車界比較沉寂的形勢打響頭炮。現在的討論度如此之高，銷量自然會上升，未來的勢頭能否持續，則取決於這款車的實力。 在這篇文章中，我將詳細拆解Java Neo，並與其他國布進行比較，分享我欣賞的幾個設計亮點。想知道更多的朋友，記得要看完整篇哦！

發布者：由 Jollymap 發佈 - 2025年9月28日 - Jollymap小貼士

每年最受期待嘅單車界盛事，香港單車節將於 11月30日 隆重舉行！活動未正式開放報名，已經引起大批單車愛好者嘅高度關注。原因好簡單——呢個係一年之中難得嘅機會，讓車友能夠踏單車馳騁喺平日完全禁止單車通行嘅 高速公路、天橋同隧道。參與者將可踩上 3號幹線、青馬大橋、尖山隧道 等地標性路段，親身體驗專屬於單車手嘅壯觀騎行旅程。 香港單車節每年吸引接近 6000 名車友 清晨集結出發，場面壯觀，氣氛熱烈。對於參加者嚟講，呢唔單止係一次長途挑戰，亦係一種難忘嘅集體體驗。 我將會透過呢條影片同大家分享 去年參加香港單車節嘅親身經歷，同時拆解活動細節，無論係實用資訊、趣味花絮，甚至係你可能忽略嘅「魔鬼細節」，都會一一為大家揭曉。如果你想知道點樣準備、點樣參加得更盡興，記得睇到最後，千祈唔好錯過！

發布者：由 Jollymap 發佈 - 2025年9月14日 - 2025年摺車推介

講起摺車唔少車友都會選擇16寸，鐘意佢轆細輕身，但又可以安裝到7-9速的變速，令成架車的機動性提高。所以幾年前K3 plus一推出的時候好受歡迎，而其實同K3 plus同期仲有另一款都好Hit的就係MU D9。 我哋幾年前都拍片介紹過，累積超過2萬人睇過。但同期的K3 plus已經出咗好多不同的家族成員，但D9仲係冇乜聲氣。近日Dahon終於為D9加添新成員，叫MU P9。今日我會為大家詳細介紹呢架P9有咩特點，佢同D9又有咩分別，想知道詳情唔好錯過！

發布者：由 Jollymap 發佈 - 2025年9月4日 - 玩樂資訊

「2025年新鴻基地產香港單車節」將於11月30日在尖沙咀揭開序幕，數千名來自世界各地的單車好手，將以嶄新方式感受香港「運動 + 旅遊」魅力。你可以參與「32公里組」及「50公里組」項目，穿梭於香港多個知名地標、大橋和隧道中 ，飽覽香港獨特的城市景觀。今年除了過往的公路車及山地車外，還開放給20寸的摺車參加。令可以參與的人士大大增加，吸引更多市民體驗呢個一年一度難得的盛事。呢個懶人包，我哋會把所有有關單車節重點資料(如路線地圖、單車要求、技術評核細節)集合一頁，俾你一次過睇晒。唔左搵右搵。而且我哋重會一啲交通、單車裝備、服飾及通過評核的指南及Tips俾大家。