親子單車地圖1 之航拍將軍澳海濱單車徑

Posted by Jollymap - 2020-12-01T00:00:00.000+08:00 - 全港親子單車地圖

想同小朋友踏單車玩平衡車又唔知去邊玩好？全港親子單車好去處系列為各位家長嚴選全香港所有合適一家大細一齊踏單車玩平衡車嘅好地方。

將軍澳海濱單車徑位於將軍澳海濱公園，公園除左見到港島東面景色亦有開揚海岸風景。海濱公園亦設備齊全，除左單車徑亦有緩跑徑、觀景台及休憩處等設施。洗手間、飲水機同汽水機當然唔少得。公園入面甚至有寵物公園，絕對適合養寵物嘅家庭出動總動員。

將軍澳嘅單車徑四通八達，連接將軍澳、寶林、坑口、調景嶺和康城五個港鐵站。當中路線有長有短，而將軍澳海濱單車徑同香港單車館公園特別適合親子遊！家長可以由坑口或將軍澳站出發，如有需要租車附近亦有好多租單車嘅鋪頭，價錢由每小時$16 - $40不等。海濱單車徑整體黎講平路居多，上下起伏比較少，就算小朋友踏足全程都唔會太吃力。

而香港單車館公園位於將軍澳運動場旁，佔地約5.3公頃。單車館入面有極限運動場、運動攀登牆和緩跑徑等設備。另外都設有餐廳、體育用品店、輔助設施例如救傷室、洗手間、更衣室、等等一應俱全。園內多處都有停泊單車嘅位置，所以可以放心。入面更加有個兒童遊戲室添！包括室外兒童遊樂場、模型船池及大草地。單車館開放時間為每日早上7時至晚上11時。就算週末訓晏左出門都冇有怕！