親子單車地圖15 之大尾篤

大尾篤踩單車，我小學旅行已經去緊啦！

今次帶大家到最受香港人歡迎嘅踩單車熱點 大尾篤。

大尾篤位於大埔區船灣淡水湖旁。以交通方便、環境優美及大量娛樂休憩設施而成名。

 

大美督燒烤場旁有巴士站、小巴站及大量咪錶停車位，交通非常方便。更有好多單車發燒友由沙田或大埔出發踏入大美督。不過親子單車遊就留係大美督入面比較合適~

汀角路沿路有多間單車鋪可以租單車或者家庭車，租完單車可以沿單車徑往大美督巴士站方向出發。沿途都係單車徑，中途只有兩個馬路口，非常安全。

經過巴士站之後會見到公廁同燒烤場，如果想燒烤但冇位可以一直入到水上活動中心旁亦有更多燒烤爐。

 

燒烤場再前少少有兩間士多，除左有食物同飲品賣之外，亦有賣風爭同泡泡等玩具。另外，士多對出就係碼頭，如果有興趣E到有艇仔可以租，我地都係番上陸地先啦！

 

士多一路去到盡會有個迴旋處，右邊就係白普理賽馬會青年旅舍、大美督海上活動中心同埋更多嘅燒烤爐，好多人週末會係到上獨木舟嘅課程呢！

 

而我地就可以繼續向左邊嘅黃色閘方向踩，閘旁邊有個位置可以出入，計得落車推過去以免發生意外呢！過左閘之後會係一條150米長嘅斜坡，對於小朋友或者租左家庭車嘅朋友黎講E到會非常吃力！都係安全至上，落車推上去啦！

去到頂就會睇到一個好大嘅圓形空地，其實E到係一個直昇機坪，地方夠晒大，非常適合小朋友係到練習踩單車同放風爭。

 

望出去，一條嘅大直路就係船灣淡水湖大壩，左邊偏綠色嘅係船灣淡水湖，右邊海色嘅就係船灣海，景色非常優美！

 

主壩長兩公里，去到中段更可以遠眺吐露港及科學園等景色！

去到盡頭係一個空地，隔離係唔開放嘅水務設施，所以踩過黎可以係樹蔭下休息一下砸番轉頭，e到有個流動廁所可供使用。

休息夠就可以原路折返，夠晒小朋友玩足全日！

 

交通

巴士 - 74E , 75K , 75P, 275R

小巴 - 20C , 20R

私家車 - 設有咪錶位