親子單車地圖22 之功樂道遊樂場

 

想同小朋友踏單車玩平衡車又唔知去邊玩好？ 全港親子單車好去處系列為各位家長嚴選全香港所有合適一家大細一齊踏單車玩平衡車嘅好地方。

 

功樂道遊樂埸位於九龍觀塘功樂道，係觀塘慕光英文書院旁邊，遊樂埸面積唔算太大，主要以單車徑為主，但設施都應有盡有，而且八字形平單車徑路面十分寬闊、平坦，比較安全適合小朋友。

 

單車徑八字形平坦單車園地

功樂道遊樂埸主要以單車徑為主，單車徑十分寬闊，而且路面平坦成八字形，難度較低適合新手初學者。平日人流亦都唔多，唔怕要同人逼，好適合帶小朋友黎訓練吓單車技術架。

 

綠化環境

功樂道遊樂埸嘅環境相當綠化，單車徑旁多植物，踩都踩得舒服啊﹗

 

單車亭可租借單車

功樂道遊樂埸內有單車亭可租借單車，價錢便宜，旁邊都有飲水機同洗手間，非常方便架！

 

其他設施

功樂道遊樂埸內有籃球埸、涼亭。

 

功樂道遊樂埸開放時間為上午7時至晚上11時。

 

交通

港鐵：觀塘站，由A1出口至裕民坊，搭36A小巴(往康利苑方向)