玩轉薄扶林水塘古跡

喺香港嘅小朋友生活嘅環境被高樓大廈包圍，小朋友由細就見慣都市嘅生活。家長多啲帶小朋友去行山，唔單止可以強身健體，仲可以增加小朋友探索自然嘅慾望，等小朋友由細建立健康嘅生活習慣。今次Jollymap帶大家去睇睇香港第一個水塘。今次嘅路線唔喺環塘而行，而喺由薄扶林水塘行去山頂。

 

 

薄扶林到山頂行山路線

搭巴士去到薄扶林水塘道落車，之後向騎術學校方向行，大概5-10分鐘就會見到薄扶林水塘嫁啦。

 

薄扶林水塘古蹟逐個睇

唔好睇小一個小小水塘，喺呢到有七樣野都喺歷史古蹟嚟嫁。事關薄扶林水塘喺1863年已經落成，喺香港最早興建嘅水塘。由於19世紀嘅時候，香港面對食水短缺問題。當時嘅政府提出公共供水計劃，決定喺薄扶林建造水塘收集雨水。家長可以同小朋友喺到講解當年嘅歷史，等小朋友學識唔同嘅解難方法。

 

薄扶水塘嘅土堤以夯實土建造，表面鋪左碎石及長有植被，現時喺二級歷史建築。而水塘下面有個長形坑槽嘅量水站，牆身以花崗石砌成，現時喺法定古蹟。水塘旁邊有座具有古典風格嘅建築就喺郊野公園薄扶林管理站，佢前身喺看守員嘅房舍，喺2009年已經被列為法定古蹟。

喺土堤入口前有詳細嘅介紹牌，上面仲有指出古蹟位置嘅地圖，家長不妨同小朋友一齊發掘下唔同嘅古蹟。

 

向前行就會見到薄扶林郊野公園嘅牌坊，由呢到行入去好快就會見到洗手間。家長記得要帶小朋友喺呢到去左洗手間先，因為之後要到山頂先再有洗手間嫁啦。

 

前面就有個開揚嘅位置，可以睇到曬成個土堤，水塘同大自然環境融合埋一齊。望住一遍綠油油嘅塘景，真喺好適合同小朋友一齊放空下，諗下人同自然如何和諧共存，撫平生活嘅躁動，亦可以教導小朋友愛惜大自然。

 

沿住薄扶林家樂徑行，途經兩個小石澗。第二個石澗較為壯觀，靜靜望住清澈嘅水由石澗直瀉而下，濺起一朵朵水花再沿小溪匯入水塘。觀賞石澗嘅時候周不時有蝴蝶喺身邊飛過，家長可以同小朋友一齊享受呢個咁美好嘅環境，製造美好回憶。

 

石屎路上山之旅

繼行前行就開始上斜路嘅征途，可以一路聽住溪水向下而流嘅聲響，一路朝上而行，想知道離終點幾遠，抬頭睇睇凌霄閣就知啦。所謂人要望高處，水會向低流，呢句話耳熟能詳嘅說話就可以完美甘形容呢度嘅景色同登山者。

 

去到分岔口就跟住往山頂嘅指示牌行。

 

呢個可以話喺對小朋友最大嘅考驗，但亦喺家長教導子女堅持同忍耐嘅好機會，家長可以同小朋友慢慢行。而且呢到草木茂盛，互相交錯覆蓋成樹蔭，全程嘅路都頗為寬闊可以隨時停低休息，欣賞周圍嘅景色，不但可以教育小朋友，仲可以享受城市難有嘅自然同寧静，加深親子關係。

 

沿路仲會有植物簡介牌，小朋友都可以認識下唔同嘅植物種類。家長亦可以從植物的生長與枯萎嘅自然規律，教導小朋友認識生命嘅可貴。

 

行到見到涼亭嘅時候，就已經行左一大半嘅路程啦。沿途行上嚟睇左咁多綠色植物，家長不妨同小朋友喺涼亭休息翻陣，睇翻本繪本。

 

之後嘅路段就冇前面咁斜，可以行得輕鬆少少。再行大概20分鐘就可以去到山頂。當聽到汽車聲就已經差唔多到終點啦，行翻出嚟就會見到山頂嘅巴士站。

 

家長可以同小朋友喺山頂稍作停留，俯瞰山下嘅景色，又或者閒遊一下山頂嘅景點先再離開。仲有體力嘅都可以去行埋山頂環迴步行徑，想知道更多可以搵翻我哋之前嘅介紹影片啦。

 

如果想行落山路嘅家長可以選擇由山頂行去薄扶林水塘

 

薄扶林水塘交通資訊

堅尼地城站，喺A出口 轉乘23／23M小巴去到薄扶林水塘道落車

或者

巴士：4，7，30X，37A，40，40M，46X，71，90B，91，94，970，970X，973

小巴：31，31X

停車場：置富花園訪客停車場

        山頂廣場停車場

 

其他資訊

長度：約2.5公里

時間：2－3小時