Posted by Jollymap - 12 Aug 2025 - 2025 Folding Bike Recommendation
自從小布的專利過咗之後，俗稱國布的類小布可謂百花齊放，我哋早前大大話話都拍過幾條片介紹好似Mint或者Aceoffix等不同的品牌和形號。大家都可能會發現不同品牌都有不同風格，有啲比較忠於原著，好似Aceoffix咁。 另一啲品牌係小布的三摺基礎上再發展出自己的風格和特點。今日會介紹的Ruhm就係呢個代表。佢近期大熱的Pro 2鋁合金國布，糅合咗多個針對小布的缺點及用家的需要而作出改良。 今日就會為大家拆解Ruhm Pro 2的獨特之處，有邊啲地方係作出優化改良。想知道詳情的朋友，唔好錯過一定要睇到最尾！
Posted by Jollymap - 10 Aug 2025 - 2025 Folding Bike Recommendation
Dahon都知道，摺車已經成為香港人代步或休閒活動的主要單車類別，畢竟香港地方淺窄，摺車出入及收藏都方便啲，而且香港彎多，踩摺車都較為靈活。其實摺車風氣係呢幾年都不斷變化，由過往一般的20寸，慢慢變成現時主流的16寸。 Dahon近來食住條水，不斷推出不同款式，近來佢哋又增添新成員，就係都係外銷韓版的K9。今日我就會介紹呢款韓版的K9有咩唔同。同埋幫大家整理下現時K3 Plus龐大家族，究竟有咩分別，大家應該點揀好？
Posted by Jollymap - 29 Jul 2025 - 2025 Folding Bike Recommendation
有一定車齡的朋友，一定會聽過來自台灣的單車品牌Oyama，雖然近年係香港比較沉寂，但係佢全球發展一啲都沒有停下，反而擴充了，更搬咗去新工廠，成為全球最大的摺疊車製造工廠，貫徹自主研發的方向。 好似今日我就要介紹Oyama一款在國內外都好受歡迎的車款S500。呢款係市面上唯一款可以一路推一路摺的摺車，同樣都係Oyama自主研發及生產。究竟呢架充滿人性化嘅S500有咩特別？當中的細節我會為大家詳細介紹！想知道詳情的朋友唔好錯過！
Posted by Jollymap - 21 Jul 2025 - 2025 Folding Bike Recommendation
上條片介紹過Aceoffix超輕的C5大受歡迎，但畢竟佢暫時顏色選擇有限，而且以國布來講，價錢都屬於中價，大家都問會否有更多顏色以及更經濟的選擇？當然有啦，今日就要介紹C5的細佬，都是鋁合金車架的Y5！價錢相對C5便宜超過2千蚊，同Dahon Mini 349 40週年特別版的價錢差不多，絕對是好多車友買摺車嘅預算範圍之內。今日就要為大家拆解其中細節。想知道詳情的朋友，一定要看下去！
Posted by Jollymap - 26 Jun 2025 - 2025 Folding Bike Recommendation
買摺車就係要輕便，摺得細一定係重要考慮。所以先咁多人想找小布。但原裝小布的鋼架全車成11-12kg的確唔算輕。軚合金的T-Line一架成4-5萬，呢個價錢又唔係人人負擔得起。 隨着小布的專利一過，市場就出現針對不同需求的車款推出，呢系列的車款一般人就會統稱為「國布」。而出名用鋁合金做車架的Aceoffix就係其中的表表者。
Posted by Jollymap - 14 Jun 2025 - 2025 Folding Bike Recommendation
有睇開我哋Youtube channel的朋友，可能會留意到早前我去台北單車展時直播介紹過太平洋單車為慶祝創辦45週年，及Birdy面世30週年而推出，破天荒用咗公路車把手的P45特別版，仲要係全球限量600架，都真係引起一陣的哄動。 唔少人都想知多少少呢架夾兩個咁值得慶祝的事而推出的限量特別版，除咗用公路車彎把外，仲有啲咩特別配置加落去。我發現原來呢架車見証住好多Birdy的第一次，今集我哋新鮮滾熱辣找來呢架啱啱到步的P45同大家來個開箱介紹。想知道詳情，唔好錯過一定要睇到最尾呀!
0.1.6 (106)
